ಅಟೋಗ್ರಾಫ್

ಎಂದೋ ಮಡಚಿಟ್ಟ ಪುಟಗಳ  

ತೆರೆಯುತ್ತ ಹೋದೆ 

ಮೌನ ಮಾತಾಯಿತು 

ಕತೆ ಹೇಳಿದವು ಪುಟ 

ಮುಗುಳು ನಗೆಯಿಟ್ಟು 

'' ನೆನಪು ಮೊದಲಿರಲಿ'' ಎಂದ ಹುಡುಗ 

ಕಾಣೆಯಾಗಿದ್ದಾನೆ 

ಮುಗಿಯದ ಮಾತು  ಆರದ ನಗು ಬಾಕಿ ಇದೆ

ಗೆಳೆಯಾ.....!

'' ಬೇಟಿ ಕೊಂಚ ತಡವಾದರೂ 

ಸ್ನೇಹಕ್ಕೆ ಮೋಸವಿಲ್ಲ 

ಇಲ್ಲಿ ನಂಬಿಕೆ ಆರುವದಿಲ್ಲ

ಮದ್ಯೆ  ಕೆಲವು ವರ್ಷಗಳ ಮೌನ ....

..... ಕುಳಿತದ್ದೊಂದೇ ಬದಲು  

ಅಲ್ಲವೇನೆ ....." 

ಎಂದ ಹುಡುಗಿ 

 ಮಗಳು, ಹೆಂಡತಿ, ಸೊಸೆ ,ಅಮ್ಮ ನಾದಿನಿ 

ಪಾತ್ರ ಗಳ ಮದ್ಯೆ ಬೆರೆತು ಹೋಗಿದ್ದಾಳೆ ...

ಮಾಥ್ಸ್ ಕಲಿಸಿದ ಮೇಸ್ಟ್ರು , ಗೆಳೆಯನಂತ ಅಣ್ಣನ  ಜೋತು ಅತ್ತ .........

'ಆಯ್ ಲವ್ ಯು'  ಅಂದ ಹುಡುಗ   

ಎಲ್ಲರೂ ವೇಷ  ಕಟ್ಟುತ್ತಾರೆ ,

ಸರಧಿ ಬಂದಾಗ ತೆರೆ ಹಿಂದೆ  ಮರೆಯಾಗುತ್ತಾರೆ ...

ಪಕ ಪಕನೆ ನಕ್ಕ ಹುಡುಗಿ 

ಸಿಟ್ ಗಾಗಿ ಜಗಳಾಡಿದ  ಡುಮ್ಮ 

ಪ್ರಜಾವಾಣಿಯ ಹುಡುಗ 

ಎಲ್ಲ ಮಡಿಸಿಡುವ ಪುಟಗಳಲಿ 

ಸೇರುತ್ತ ಹೋಗುತ್ತಾರೆ ....

ತೆರೆದಾಗ ಮಿಂಚಿ ಮುಗುಳು ನಗುವಾಗಿ 

ಮತ್ತೆ ಪುಟ ಸೇರುತ್ತಾರೆ ....

ನಿನ್ನೆಯಂತೆ.......